Америка кино академияси ўз таркибига 397 нафар янги аъзони қабул қилди. Улар орасида актриса Аня Тейлор Жой, хонанда Билли Айлиш ва актёр Жейми Дорнан ҳам бор. Кино академиясининг янги аъзолари рўйхатига "Оскар"га даъвогарлик қилган 71 та номзод ва уни қўлга киритган 15 нафар ижодкор киритилган.
Кино академиясининг янги аъзолари актёрлар, киношунослар, либос дизайнерлари, режиссёрлар, продюсерлар, пардоз усталари, мусиқачи ва бошқа кўплаб мутахассислар орасидан танлаб олинган. Эндиликда уларнинг барчаси "Оскар" мукофоти ғолибларини аниқлаш жараёнида овоз беришлари мумкин.
Маълумот учун, "Оскар" мукофотининг 95-тақдирлаш маросими 2023 йилнинг 12 март куни Голливуддаги "Dolby" театрида бўлиб ўтади. Унда иштирок этиш учун аризаларни қабул қилиш жорий йилнинг 15 ноябри кунига қадар давом этади, мукофотга даъвогарлик қилувчи номзодларнинг илк рўйхати 21 декабрь куни эълон қилинади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!