Клуб июнь ойида эркин агентга айланиши мумкин бўлган даниялик футболчини сақлаб қолишни режалаштирмоқда.

“Асалари” 30 ёшли ярим ҳимоячига янги шартнома таклиф қилмоқчи, деб хабар беради Тҳе Тимес.

Манбанинг хабарига кўра, “Брентфорд” агар Премер-лиганинг кучли 6 талигидаги клублардан таклиф тушмаса, Эриксен билан шартномани узайтиришига ишончи комил.

Эслатиб ўтамиз, футболчи 2021-йилнинг 12-июнида – миллий терма жамоанинг Евро-2020даги ўйинида юраги ҳуруж қилиб қолган эди. Финляндияга қарши ўйиннинг биринчи бўлими (0:1) якунида ҳушини йўқотди. Бир неча кундан кейин унга кардиовертер дефибрилатор ўрнатилган.

Маълумот ўрнида, Эриксен январ ойида “Брентфорд” билан шартнома имзолади ва 26-феврал куни янги клубидаги илк ўйинини ўтказди.

• АПЛ
• Дания
• Футбол
• Хориж