Европа топ 5 чемпионатлари бугунги ўйинлар анонси билан танишинг.
Якунланиб бораётган ҳафтада Европа топ 5 чемпионатларидан Ла лига ва А Сериада янги мавсум старт олса, АПЛ, Бундеслига ва Лига 1да эса 2-тур баҳслари давом эттирилади.
Дастлаб старт олаётган Ла лигага тўхталиб ўтамиз, бугун, Испания чемпионати 1-тур доирасида илк ўйинда “Селта” ўз уйида “Эспанёл”ни қабул қилади. Учрашув Тошкент вақти билан 20:00 да бошланади. Шунингдек, бу мавсум дебютанти “Валядолид” ўз майдонида “Виляреал” билан куч синашади. Тўқнашув 22:00да старт олади.
“Барселона” эса, ўз майдонида “Раё Валекано”ни меҳмон қилади. Баҳс Тошкент вақти билан 00:00да бошланади.
Энди эса Апеннин ярим оролига эътиборингизни тортамиз. А Сериа янги мавсум илк турининг дастлабки ўйинида амалдаги чемпион “Милан” “Сансиро”да “Удинезе” синовдан ўтказади. “Интер” ва “Аталанта” илк турни меҳмонда ўтказишади.
Шунингдек, бугун АПЛ 2-тури “Астон Вилла”- “Эвертон”, “Арсена”-“Лестер”, “Брайтон”-“Нюкасл”, “Манчестер Сити”-“Борнмут”, “Саутгемптон”-“Лидс”, “Вулверхемптон”-“Фулхем”, “Брентфорд”-“Манчестер Юнайтед” ўйинлари билан бошланади.
Германия Бундеслигаси 2-турида эса “Баер”-“Аугсбург”, “Герта”- “Айнтрахт”, “Лейпсиг”-“Кёлн”, “Вердер”-“Штутгарт”, “Хоффенхайм”-“Бохум”, “Шалке-04”-“Боруссия М” клублари ўзаро ўйнашади.
Франсия биринчилиги 2-турида эса, “Монако”-“Ренн”га, ПСЖ эса “Монпеле”га қарши ўз майдонида ўйнайди.
Мазкур ўйинлар натижаларини биринчилардан бўлиб Xabardor.uz дан билиб оласиз.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!