Жаҳон соғлиқни сақлаш ташкилоти бош директори Тедрос Адҳаном Гебреесус Женевада бўлиб ўтган брифингда 92 мамлакатда 35 мингдан ортиқ маймунчечак касаллиги аниқланганини маълум қилди.
Ҳозиргача 12 киши ушбу касалликдан вафот этди.
“Ҳозирда Жаҳон соғлиқни сақлаш ташкилотида 92 мамлакатда 35 000 дан ортиқ маймунчечак касаллиги аниқланганилиги ҳақидаги хабар мавжуд.
Шулардан 12 таси вафот этди. Ўтган ҳафта эса деярли 7 500 та касалланиш ҳолати қайд этилди.”, – деди ЖССТ раҳбари.
Келтирилишича, бу галги кўрсатгичлар аввалги ҳафтага нисбатан 20% га кўп.
Маълумот учун, “Маймунчечак” - Марказий ва Ғарбий Африканинг тропик ўрмонлари яқинидаги чекка ҳудудларда тарқалган ва одатда кемирувчилар, ёввойи ҳайвонлар томонидан одамларга юқадиган вирусли касаллик.
Касалланган беморлар иситма, бош оғриғи, мушак ва бел оғриқлари, шишган лимфа тугунлари, титроқ ва чарчоқдан азият чекади.
Бундан ташқари, терида турли хил тошмалар бўлиши мумкин.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!