Давлат хавфсизлик хизмати Тошкент вилоятида яширин нарколаборатория борлигини фош қилди
Қайд этилишича, Тошкент вилоятининг Юқори Чирчиқ туманида 2 нафар фуқаро дала ҳовлисида яширин нарколаборатория ташкил этиб, “Мефедрон” синтетик-наркотик моддасини тайёрлаб, сотиш билан шуғулланишган.
Воқеа жойида 1 кг. 12 гр. “Мефедрон” синтетик гиёҳвандлик воситаси, кимёвий суюқликлар ва бошқа зарур ускуналар борлиги аниқланган.
Шунингдек, бу шахсларнинг бирига тегишли “кафе”да 18 гр. “опий”, 33 гр. “гашиш”, 2 гр. “Мефедрон” наркотик моддалари топилди.
Бу шахслар “Телеграм” орқали мижоз топиб, наркотик моддаларни хуфия жойларга яшириб кетиш орқали сотишган.
Тадбир давомида 15 та хуфия жойга сотиш мақсадида 7 гр. “Мефедрон” ва 8 гр. “гашиш” наркотик моддалари яширилгани аниқланган.
“Қонунбузарлар жиноий ҳаракатларига фарғоналик кимёгарни ҳам жалб этишган. Кимёгар элементлардан фойдаланган ҳолда гиёҳвандлик воситасини тайёрлаган”, – дейилади хабарда.
Аниқлик киритилишича, наркотикларни хуфия жойларга жойлаштириш билан эса Юқори Чирчиқ туманида яшовчи шахс шуғулланган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!