“NASASpaceflight”нинг хабар беришича, “Falcon 9” ракетаси экипаж 5 миссияси учун Халқаро космик станцияга олиб кетилаётган вақтда авария юз берган. Ракета Техас шаҳрида жойлашган шосседаги кўприкка қулаган.

Қайд этилишича, кўприкнинг баландлиги унинг остидан ракетани олиб ўтиш учун етарли бўлмаган.

“SpaceX” ва NASA ҳозирда “Falcon 9”нинг қай даражада зарар кўрганини текширмоқда.

Одатда, “SpaceX” ракетанинг оралиқ босқичлари ва борт асбобларини ишлаб чиқариш заводидан синов майдончасига олиб ўтиш вақтида шикастланадиган бўлса, уни олиб ташлайди ва бошқаси билан алмаштиради.

Ускуналар алмаштирилгандан сўнг, ракета парвозга қабул қилиш ва сертификатлашдан аввал босқичма-босқич синовлар ҳамда кейинги баҳолаш босқичларидан ўтади.

Аввалроқ “Crew-5” миссияси доирасида “Crew Dragon”нинг учирилиши жорий йилнинг 29 сентябридан эрта бўлмаслиги ҳақида хабар берилган эди.

Июль ойи охирида “SpaceX” 2022 йилда ўзининг 32-марта “Falcon 9” миссиясини амалга оширди. Компания орбитал парвозлар бўйича ўзининг йиллик рекордини ҳам янгилашга муваффақ бўлди.

Июнь ойида эса компания учта “Falcon 9” ракетасини ҳавога кўтариб, 36 соат ичида биринчи босқичларини қайтариш орқали ойлик рекордини янгилади.

• Astronomiya
• Коинот
• НАСА
• kosmos