Финляндия ташқи ишлар вазири Пекка Хаависто мамлакат НАТОга аъзо бўлгач, мамлакатга ядро қуроли жойлаштирилмаслигини маълум қилди.

Унинг эслатишича, Финляндия ҳарбий альянсга аъзо бўлиш учун ариза берганида, ўз фаолият доираси чекланишини истамагани сабабли олд шартлар қўймаган.

“Аммо аъзолик тугаганидан кейин ҳам Финляндия тупроғида ядро қуроли бўлмаслиги аниқ”, – дейди Хаависто.

Унинг қўшимча қилишича, сиёсий раҳбарият Финляндия ва Швециянинг бир вақтда иттифоққа киришини режалаштирмоқда, чунки бу нафақат хушмуомалалик, балки икки давлатнинг мудофаа қобилиятини мустаҳкамлаш масаласидир.

Хаависто мамлакатнинг асосий ташқи сиёсат шериги Европа Иттифоқи бўлиб қолишини, ҳамкорлик асоси эса инсон ҳуқуқларини амалга ошириш эканини эслатиб ўтган.

Аввалроқ Шимолий Атлантика иттифоқи давлатлари Швециянинг альянсга қўшилиш аризасини маъқуллагунча Финляндия якуний қарор эълон қилишни пайсалга солаётган эди.

• Finlandiya
• НАТО
• Ядровий қуроль