Буюк Британиянинг энг машҳур актёрларидан бири, “Гарри Поттер” образи орқали кино томошабинларига яхши таниш бўлган ижодкор Дэниэл Рэдклифф илк бор ота бўлади. Актёрнинг суйган ёри – актриса Эрин Даркнинг фарзанд кутаётгани ҳар икки ижодкорнинг мухлислари учун кутилмаган янгилик бўлди. Ушбу хушхабарни актёрнинг расмий вакиллари ҳам тасдиқлаган.
Жуфтлик бундан 11 йил аввал, 2012 йилда “Севимли инсонларингни ўлдир” фильмини суратга олиш жараёнида танишиб қолган. Рэдклифф ушбу фильмда ёзувчи Аллен Гинзберг ролини ижро этган.
Маълумот учун, Дэниел Рэдклифф 2022 йилда Гарри Поттер ҳақида суратга олинадиган навбатдаги – “Лаънатланган гўдак” фильми орқали экранларга қайтиши ёки қаймаслиги масаласига аниқлик киритган эди. Ижодкор “Гарри Поттер”ни ўтмишга қолдириш вақти етиб келгани, шу билан бирга “ҳеч қачон ҳеч қачон деб бўлмаслиги”ни таъкидлаган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!