Голливуд юлдузи Эштон Катчер оғир аутоиммун касаллигига чалингани ҳақида гапириб берди. Унинг айтишича, ушбу хасталик туфайли кўриш, эшитиш ва юриш қобилиятидан айрилишига бир бахя қилган.
"Икки йил аввал васкулитнинг ўта ноёб турини бошдан кечирдим, бу кўриш, эшитиш қобилияти ва ҳаракат аппаратимга зарар етказди. Ҳозир тирик эканимнинг ўзи билан омад", – дейди Катчер.
Ижодкорнинг айтишича, касалликка чалинган вақтида жуда кўп нарсаларни ўйлаб кўриш учун имкон топган. Шунингдек, эндиликда муваффақият йўлидаги ҳеч қандай тўсиқ уни ўз мақсади учун ҳаракат қилишдан тўхтатолмаслигини айтиб ўтган.
Эштон Катчер 2015 йилда актриса Мила Кунис билан оила қурган. Уларнинг икки нафар – бир ўғил, бир қиз фарзандлари бор.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!