Кеча, 11 август куни Ўзбекистон Олий суди Андижонда жинсий зўровонлик қурбони бўлган 14 яшар қиз ишини кассация тартибида кўриб чиқиб, шу пайтгача чиқарилган барча даражалаги суд ҳукмларини бекор қилди. Бу ҳақда инсон ҳуқуқлари «Эзгулик» жамияти раҳбари Абдураҳмон Ташанов ўзининг Феcбоок саҳифасида маълум қилди.
Таъкидланишича, жиноят иши процессуал талаблар қўйилиб, қайта суд тергови ўтказиш учун Тошкент шаҳар судининг аппеляция инстанциясига юборилган.
«Бир неча дақиқа аввал Ўзбекистон Республикаси Олий суди Андижонда жинсий зўровонлик қурбони бўлган 14 яшар қиз ишини кассация тартибида кўриб чиқиб, шу пайтгача чиқарилган барча қарорларни бекор қилди.
Жиноят иши процессуал талаблар қўйилиб, қайта суд тергови ўтказиш учун Тошкент шаҳар судининг аппелация инстанциясига юборилди. Катта эҳтимол билан бу ишга ҳам Тошкентдаги жинсий зўровонлик масаласидаги Саида Мирзиёеванинг чиқиши таъсир қилди, деб ўйлайман.
Аксинча, қизга жинсий тажовуз қилган шахсларга нисбатан жуда енгил жазо тайинланган, улар қисқа муддатли қамоқдан сўнг озодликка чиқарилганди. Зам ҳокимнинг ўғли дохил зўровонларга нисбатан энди қайта терговлар бошланади, уларни узоқ йиллик қамоқ кутмоқда», деб ёзади «Эзгулик» жамияти раҳбари.
Маълумот учун, 2021 йил 11 май куни Андижон вилояти Пахтаобод тумани ҳокими ўринбосари Д.Х.нинг ўғли И.Ш. ва унинг шериги М.А. вояга етмаган қизга бузуқ ҳаракат қилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!