“Tesla” бош директори Илон Маск компаниянинг 7,9 миллион дона акциясини 4 август куни бўлиб ўтган компания акциядорларининг йиллик йиғилишидан сўнг 6,9 миллиард долларга сотиб юборди. Манбаларга кўра, тадбиркор суд агарда Twitter'ни сотиб олишга мажбур қилса, ўз акцияларини фавқулодда арзонроқ нархда сотилмаслиги учун шундай қарорга келган.

Апрел ойи охирида Маск Twitter раҳбарияти билан компанияни сотиб олиш бўйича келишув фонида 4 миллиард долларлик “Tesla” акцияларини сотган эди. Июл ойида тадбиркор ижтимоий тармоқни сотиб олишдан бош тортди. Чунки Twitter платформадаги сохта аккаунтлар сони ҳақидаги ҳақиқий маълумотни яширганлиги айтилмоқда.

Келишувни якунлашдан бош тортгани учун Twitter Илон Маскни судга берди. 6 август куни бизнесмен агар Twitter ижтимоий тармоқдаги ботлар сони ҳақида тўлиқ маълумот берса, битим тузишга тайёрлигини айтиб ўтди.

• Ilon_Mask
• Tesla
• Twitter