Жигар нафақат овқат ҳазм қилиш тизимининг муҳим органи, шунигдек, ҳажм жиҳатдан энг каттаси ҳисобланади. Аммо унинг асосий ўзига хослиги унинг ҳажмида эмас, балки қайта тиклаш қобилиятидадир.

Жигарнинг тикланиш қобилияти инсон учун жуда муҳимдир. Жигар 500 га яқин функцияларни бажарадиган орган бўлиб, деярли барча витаминлар алмашинувига ёрдам беради, қорин бўшлиғидаги қон оқимига таъсир қилади ва инсон ҳаёти учун зарур бўлган кўплаб моддаларни сақлайди.

Касалликлар, шикастланишлар, ёмон одатлар, нотўғри овқатланиш - буларнинг барчаси жигар ҳужайраларининг ўлимига олиб келади. Аммо қайта тикланиш қобилияти туфайли вақт ўтиши билан жигар тўлиқ тикланади. Жигарнинг тўлиқ тикланиш даври зарар даражасига боғлиқ.

• Фойдали
• қизиқарли
• саломатлик