“DC” компаниясининг “Жокер-2” фильмида “Юлдузлар туғилади” картинасидаги улкан мусиқий саҳналардан фойдаланилади. Манбаларнинг таъкидлашича, томошабинларни мураккаб мусиқий саҳналар кутмоқда. Бу эса “Жокер-2” бюджетини тахминан 150 миллион долларга оширади.

Қайд этилишича, 2019 йилда чиқарилган биринчи қисм учун “Оскар”ни қўлга киритган Хоакин Феникс “Жокер-2” фильмидаги иштироки учун 20 миллион доллар гонорар олади. Яна бир санъаткор Леди Гага эса фильмдаги роли учун 10 миллион доллар талаб қилди.

Эслатиб ўтамиз, машҳур қўшиқчи айнан Харли Куин ролини ижро этиши ҳали расман тасдиқланмаган. Фильм тақдимоти 2024 йилда бўлиб ўтади.

• Кино
• aktyor
• қизиқарли