“Яндех.Расписание” онлайн жадвалига кўра, кучли қор ёғиши сабабли Москванинг “Внуково”, “Домодедово”, “Шереметево” ва “Жуковский” аеропортларида 170 дан ортиқ рейслар бекор қилинган ёки кечиктирилган.

Маълум бўлишича, “Внуково”да 61 та рейс кечиктирилган, 13 та бекор қилинган, “Домодедово”да 48 та рейс кечиктирилган ва 2 та бекор қилинган, шунингдек, “Шереметево”да 41 та кечиктирилган ва 10 та рейс бекор қилинган, “Жуковский”да эса 4 та рейс кечиктирилган.

Гидрометеорология маркази илмий директори Роман Вилфанд аввалроқ душанба(19 декабр) кунигача Москвадаги қор қатлами 1941 йил 19 декабрда қайд этилган рекорд баландликка яқинлашиши мумкинлигини айтган эди.

Маълумот учун, 1941 йил Москва шаҳрида 34 сантиметр баландлигида қор ёғган.

• Москва
• Об-ҳаво
• Россия