Бугун, 17 октябрь куни Россия Федерацияси пойтахти Москва шаҳрида қисман сафарбарлик якунланди. Чақирилганларнинг яшаш жойларига юборилган чақирув қоғозлари ва корхоналар ўз кучини йўқотди. Бу ҳақда Москва мери Сергей Собянин ўзининг шахсий блогида хабар берди.

“Москва шаҳар ҳарбий комиссарининг маълумотларига кўра, президент фармони ва Мудофаа вазирлиги кўрсатмалари асосида белгиланган қисман сафарбарлик бўйича топшириқлар тўлиқ бажарилди. Сафарбарликка жалб қилинганларни йиғиш пунктлари ёпилди. 2022 йил 17 октябрь, соат 14.00 дан бошлаб корхоналар ўз фаолиятини тўхтатади”, — деб ёзади Собянин.

Аввалроқ, Москва Қуролли Кучларга қисман сафарбарлик доирасида чақирилган фуқароларга ойига 50 минг рубл миқдорида қўшимча тўловлар тўлаш тўғрисида қарор қабул қилган эди.

Маълумот учун, Россияда жорий йилнинг 21 сентябридан бошлаб Владимир Путин фармони билан қисман сафарбарлик эълон қилинди. Россия мудофаа вазири Сергей Шойгунинг сўзларига кўра, Украинадаги 1000 километрлик алоқа чизиғи ва озод қилинган ҳудудларни назорат қилиш зарур. Сафарбарлик даврида жами 300 000 резервист чақирилади.

Аммо айрим Россия фуқаролари президент фармонидан сўнг урушга боришни хоҳлашмай қўшни мамлакатларга қочиб чиқиб кета бошлашди. Хусусан Қозоғистон ва Ўзбекистонга ҳам кўплаб руслар кўчиб келишди. Бунга жавобан Владимир Путин сафарбарликдан қочиб кетган россияликларга ҳуқуқий чора кўрилишини маълум қилди.

• Москва
• harbiy xizmat