Ўтган кунлар давомида НАТОнинг бир қатор иттифоқчилари ҳозир ёки келгусида ўз ҳарбий техникаларини жойлаштириш бўйича ўз қарорларини эълон қилишди. Бунга сабаб, Россия Украина ва унинг атрофида ўз ҳарбий қудратини оширишда давом этаётганди дея изоҳланмоқда.
Хусусан, Дания Болтиқ денгизига Фрегат юбориб, НАТОнинг минтақадаги узоқ йиллик ҳаво полицияси миссиясини қўллаб-қувватлаш учун Литвага тўртта Ф-16 қирувчи самолётини жойлаштирмоқчи.
Испания эса НАТО ҳарбий-денгиз кучларига қўшилиш учун кемалар жўнатмоқда ва Болгарияга қирувчи самолётлар юбориш имкониятини кўриб чиқмоқда.
Франция Руминияга НАТО қўмондонлиги остида ўз қўшинларини юборишга тайёрлигини билдирди. Нидерландия НАТОнинг минтақадаги ҳаво полицияси фаолиятини қўллаб-қувватлаш учун апрель ойидан бошлаб Болгарияга иккита Ф-35 қирувчи самолётини жўнатишни режалаштирган. Шунингдек, НАТОга тегишли жавоб кучлари кема ва қуруқликдаги бўлинмаларини тайёр ҳолатга келтирмоқда.
Бундан ташқари, Қўшма Штатлар, Алянснинг шарқий қисмида ўз ҳарбий иштирокини ошириш масаласини кўриб чиқаётганини ҳам очиқ тан олди.
– Иттифоқчиларнинг НАТОга қўшимча кучлар киритишини маъқуллайман. НАТО барча иттифоқчиларни ҳимоя қилиш ва бу учун барча зарурий чораларни кўришда давом этади, шу жумладан Иттифоқнинг шарқий қисмини мустаҳкамлаш. Биз ҳар доим хавфсизлик муҳитимиз ёмонлашишига, шу жумладан, жамоавий мудофаани кучайтириш орқали жавоб берамиз, - дея муносабат билдирган НАТО Бош котиби Женс Столтенберг ўз нутқида.
Маълумот учун, НАТО мудофаа иттифоқи. 2014 йилда Россиянинг Қримни ноқонуний аннекция қилишига жавобан НАТО Алянснинг шарқий қисмида, жумладан Эстония, Латвия, Литва ва Польшадаги тўртта кўпмиллатли жанговар гуруҳларда иштирокини кучайтирганди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!