Халқаро тадқиқотчилар гуруҳи Ерга энг яқин қора туйнукни аниқлади. Тадқиқот ESA'нинг Гаиа расадхонаси маълумотлари асосида ўтказилди.
Олимлар ғайриоддий орбитал хусусиятларга эга қуёшга ўхшаш юлдузни топдилар. Улар унинг ёнида қора туйнук бор деган хулосага келишди. Тизим Ердан 1565 ёруғлик йили узоқликда жойлашган.
Сариқ Г-типли юлдуз Гаиа ДР3 4373465352415301632 илмий белгисига эга, олимлар уни Гаиа БҲ1 деб ҳам аташади. Кузатишлар шуни кўрсатдики, у кўринмас марказ атрофида эллипсни тасвирлайди.
Орбитанинг катталиги ва айланиш даврийлигидан келиб чиққан ҳолда, қора туйнукнинг массаси тахминан 10 қуёш массасига тенг бўлиши керак. Бу Сомон йўлидаги рентген нурлари ва бошқа энергия эмиссияларисиз аниқланган биринчи қора туйнукдир.
Олимларнинг таъкидлашича, Сомон йўлида жуда кўплаб қора туйнуклар бўлиши мумкин. Компютер моделлари шуни кўрсатадики, уларнинг галактикадаги сони 100 миллионгача бўлиши мумкин, шу билан бирга ҳозиргача атиги 20 та бундай обект аниқланган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!