Буюк Британиянинг нуфузли рейтинг ташкилоти – “Times Higher Education” агентлиги ўзининг “World University Rankings – 2023” рейтинг натижаларини эълон қилди.

Унда қайд этилишича, жорий йилда Ўзбекистоннинг 18 та олий таълим муассасаси “reporter” мақомида қайд этилди ва TOP-1000 талик рейтингдан жой олиш учун даъвогарлар олийгоҳлар сони 10 тадан 28 тага етди.

Таъкидланишича, улар орасида Соғлиқни сақлаш вазирлиги тасарруфидаги 5 та олий таълим муассасаси ҳам ўрин олган (Тошкент тиббиёт академияси, Тошкент педиатрия тиббиёт институти, Тошкент давлат стоматология институти, Тошкент фармацевтика институти, Андижон давлат тиббиёт институти).

Қайд этиш мумкин, ушбу рейтингда университетларнинг 4 та йўналишдаги самарадорлик кўрсаткичлари баҳоланган: ўқитиш, тадқиқот, таълим сифати ва халқаро истиқболлар.

Мазкур 28 та олий таълим муассасаси “Times Higher Education”нинг нуфузли рейтингларига кириш учун номзод сифатида танланиб, бунда рейтинг агентлиги уларга яқиндан ёрдам беради.

Маълумот ўрнида, жорий йил ушбу рейтингда 1 799 та университет қайд этилди, бундан ташқари 526 та олийгоҳ “reporter”, яъни даъвогар университетлар номинациясига эга бўлди.

• Олий таълим
• Ўзбекистон
• Университет
• рейтинг