Қирғиз-тожик чегарасида отишма содир бўлди. Дастлабки маълумотларга кўра, отишма бугун соат 12:00 лар атрофида Боткент вилоятидаги Булоқ-Боши қишлоғи ҳудудида бошланган.

Маҳаллий ОАВларга кўра отишма икки давлат чегарачилари ўртасида бўлиб ўтан. Соат 14:15 га келиб, отишма тўхтатилди. Бу ҳақда Миллий хавфсизлик давлат қўмитасининг Чегара хизмати маълум қилди.

Қирғиз томонининг иддао қилишича, соат 14:07 да икки давлат чегара бўлинмалари ўт очишни тўхтатиш бўйича буйруқ олган бўлса-да, Тожикистон томони Қирғизистон томони позицияларини соат 14.15 гача ўққа тутган.

24.kg агентлиги қирғизистонлик икки ҳарбий яралангани ҳақида маълумот тарқатди. “Уларга тиббий ёрдам кўрсатилмоқда”, – дейилади агентлик хабарида.

Айрим манбаларга кўра, отишма Тожикистон ҳарбий хизматчиларининг икки давлат ўртасидаги шартли чегара чизиғини ноқонуний кесиб ўтгани сабаб содир бўлган.

• Чегара
• Отишма
• Қирғизистон
• Тожикистон