Куни кеча, 13 август куни «Humo Arena»да Lift Promotions компанияси томонидан ташкил этилган профессионал бокс оқшоми бўлиб ўтди.
Унда Фазлиддин Ғоибназаров, Шаҳобиддин Зоиров, Миразизбек Мирзаҳалилов, Лазизбек Мулложонов, Аббосхон Йўлдошев ва яна бир қатор ўзбекистонлик боксчилар рингга кўтарилишди.
Натижалар билан танишинг:
Асосий кард
Фазлиддин Ғоибназаров (Ўзбекистон) – Жадиер Парра (Венесуэла): Ғоибназаров 10 раундга мўлжалланган жангнинг 38-сониясида рақибини нокаутга учратди.
Эберт Соуза (Бразилия) — Денни Мендоза (Никарагуа): Олимпиада чемпиони Соуза профессионал дебют жангида 2-раундда техник нокаут эвазига ғалаба қозонди.
Шаҳобиддин Зоиров (Ўзбекистон) – Херсон Лариос (Никарагуа): Зоиров 6 раундга мўлжалланган жангнинг 20-сониясида рақибини битта зарбада чуқур нокаутга учратди.
Жедиер Эррера (Куба) – Мауро Пероуне (Аргентина): Пероуне 7-раундда жароҳат олгани боис шифокор жангни давом эттиришга рухсат бермади ва шу давргача бўлган очколар бўйича Эрреранинг ғалабаси қайд этилди.
Лазизбек Муллложонов (Ўзбекистон) – Майкл Бассет (Британия): Мулложонов 2-раундда рақибни техник нокаутга учратган ҳолда муддатидан олдин ғалаба қозонди.
Миразизбек Мирзаҳалилов (Ўзбекистон) – Ислам Торобаев (Қирғизистон): Мирзаҳалилов ҳам техник нокаут эвазига рақибини мағлуб этиб ғалаба қозонди.
63,5 кг Гран-При турнири
Мужибилло Турсунов (Ўзбекистон) – Раҳматилло Шарипов: Турсунов проф йўналишдаги дебют жангини муваффақиятли ўтказиб, очколар ҳисобида ғалага қозонди.
Аббосхон Йўлдошев (Ўзбекистон) – Шоҳруҳбек Кенжаев (Ўзбекистон): Тўлиқ 6 раунд давом этган жангда Кенжаев очколар ҳисобида ғалаба қозонди.
Тимур Абдураҳмонов (Ўзбекистон) – Фаррух Арслонов (Ўзбекистон): Арслонов очколар ҳисобида ғалаба қозонди.
Дастанбек Иманказиев (Қирғизистон) – Дилшад Нурим (Қозоғистон): Нурим рақибини 3-раундда техник нокаутга учратган ҳолда ғалаба қозонди.
Қайд этиш мумкин, кечаги оқшомга бокс бўйича оғир вазн тоифасида IBF, WBA ва WBO йўналишлари жаҳон чемпиони Олександр Усикнинг менежери Эгис Клемас ҳам ташриф буюрди. Чунки у ҳамюртимиз Фазлиддин Ғоибназаровнинг менежери ҳисобланади.
Шу тариқа, Lift Promotions компаниясининг Тошкентда ташкил этган илк катта жанг оқшоми якунланди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!