Америка урушни ўрганиш институти ўзининг кунлик янгиликларда кечаги Херсон вилоятига, шунингдек, 2014 йилда Россия томонидан аннекция қилинган Қримдаги авиабазаларга ҳужумни таҳлил қилди.

Институт экспертларининг фикрича, Кремль Украинани Қримдаги Россия объектларига ҳужум қилганликда айбламоқчи эмас. Сабаби, бу Россия ҳаво ҳужумидан мудофаа тизимларининг самарасизлигини яна бир бор ошкор қилиб қўйиши мумкин. Худди украиналиклар Россиянинг «Москва» крейсерини йўқ қилганидек.

Айни вақтда тадқиқотчилар кечаги портлашларнинг аниқ сабабларини мустақил баҳолаш учун маълумотларга эга эмаслар. Бир вақтнинг ўзида иккита объектда портлаш содир бўлгани, ёнғиннинг расмий русча версиясини истисно қилади. Бироқ, шу билан бирга саботаж ёки узоқ масофали ракета зарбасини истисно қилмайди.

Мутахассисларнинг фикрига кўра, украиналиклар модификация қилинган «Нептун» ракеталаридан фойдаланган бўлишлари мумкин. Лекин, ҳозирча бу фаразни тасдиқловчи далиллар йўқ.

• Россия
• Украина