Кеча, 9 август, сешанба куни Тошкент вақти билан соат 10:52 да учирилган Россиянинг “Союз-2.1б” ракетаси ёрдамида Ерни масофадан туриб зондлаш учун мўлжалланган Эроннинг “Хайём” космик кемаси нишон орбитасига муваффақиятли учирилди. Қайд этилишича, парвоз Қозоғистондаги Байқўнғир базасида жойлашган “Фригат” космодромидан туриб амалга оширилган.
“Бугунги тадбирнинг аҳамиятини ортиқча баҳолаб бўлмайди. Сунъий йўлдошнинг Эрон манфаатлари ва буйруғи билан муваффақиятли учирилиши Россия-Эрон икки томонлама ҳамкорлигида муҳим босқич бўлиб, янги ва ҳатто йирик лойиҳаларни амалга оширишга йўл очди. Россия, аввалгидек, барча манфаатдор давлатлар ва шериклар билан коинотни ўрганиш соҳасида ҳамкорликка очиқ. Ишончим комилки, коинот мавзуси сиёсий конюнктурадан (бозор фаоллиги билан тавсифланган иқтисодий вазият) ташқарида қолиши, бутун инсоният ва жаҳон илм-фани манфаати учун хизмат қилиши керак”, – деди “Роскосмос” давлат корпорацияси бош директори Юрий Борисов Эрон космик кемасининг учирилганидан сўнг.
Ушбу парвоздан сўнг унда иштирок этган ракета ва космик саноати мутахассисларининг жанговар экипажига миннатдорчилик билдирилган.
“Барчангизга бугунги муваффақиятли ишга тушириш учун қилган машаққатли меҳнатингиз учун самимий миннатдорчилигимни билдирмоқчиман. Бугунги кун мамлакатларимиз ўртасидаги муносабатларда тарихий кунга айлангани учун Эрон Ислом Республикаси ҳукумати ва Эрон халқи номидан алоҳида миннатдорчилик билдираман. Бугун мамлакатларимиз ўртасида коинот соҳасида янги ҳамкорликнинг бошланиши учун бурилиш нуқтаси бўлди”, – деди Эрон алоқа ва ахборот технологиялари вазири Исо Зарепур ўз навбатида.
Эрон сунъий йўлдоши билан биргаликда Россияга тегишли 16 та кичик ракеталар орбитага чиқарилган: “CubeSX-HSE-2”, “Monitor-1”, “UTMN”, “CYCLOPS”, “Siren”, “KAI-1”, “Kuzbass-300”, “Skoltech-B1”, “Skoltech-B2”, “Polytech Universe- 1”, “Polytech Universe-2”, “Vizard”, “Geoscan-Edelweiss”, “MIET-AIS”, “ISOI” вa “ReshUCube”.
Маълумотларга кўра, кичик сунъий йўлдошлар Санкт-Петербург политехника университетида, “ВОЕНМЕХ” Болтиқ давлат техника университетида ишлаб чиқарилади.
Сунъий йўлдошлар илмий ва технологик тадқиқотлар, жумладан, сунъий йўлдошлараро алоқа каналларини амалга ошириш технологияларини ишлаб чиқиш, электромагнит нурланиш даражасини ўлчаш, Ерни масофадан туриб зондлаш ҳамда экологик вазиятни кузатиш учун мўлжалланган.
Бу 2022 йилда Россия ракетасининг 12-чи ва Байқўнғир космодромидан тўртинчи учирилиши бўлди. “Союз-2.1б” ракетаси учун бу парвоз 57-чи, “Фрегат” юқори босқичи учун эса тарихда 109-чи парвоз бўлди. “Союз-2.1б” ракетаси “Прогресс” ракета-космик маркази – Лавочкин номидаги Илмий-ишлаб чиқариш бирлашмаси томонидан ишлаб чиқарилган (Роскосмоснинг бир қисми).
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!