Мевалар витаминнинг кони бўлгани билан уларнинг барчасини чекланмаган миқдорда истеъмол қилиб бўлмайди. Айримлари шу қадар ширинки, қондаги қанд миқдорини ошириб, организмга зарарли таъсир кўрсатиши исботланган. Шунинг учун ҳам иккинчи ёки учинчи бананни ейиш учун қўлга олганда бу билан танангизга хавф туғдираётганингиз ёдда турсин. Мевалардан, айниқса, озиш истагида юрганлар эҳтиёт бўлишлари лозим. Чунки улар таркибидаги асосий модда – углеводлар, чиройли қоматнинг асосий душманидир.
Қайси меваларни истеъмол қилишда эҳтиёт бўлган маъқул.
Энг ширин мева, бу – манго саналади. Унинг 100 граммида 14 грамм шакар ва 70 грамм калория мавжуд. Агар жуда егингиз келаётган бўлса, ананас ва киви билан аралаштириш мумкин.
100 грамм гилос таркибида ҳам 17 грамм шакар бўлади. Ундан қандли диабетга чалинганлар узоқроқ юришлари керак. Бундан ташқари, гилос қорин дам бўлишига ҳам олиб келади.
Банан таркибида эса 16 грамм шакар мавжуд. У бошдан-оёқ углеводлардан ташкил топган. Организм учун энг кўп фойда келтирадигани, яшилсифат банан ҳисобланади. Унда шакар камроқ, клетчатка эса кўпроқ бўлади. Бироқ бу турдаги бананни нордон бўлгани учун ҳамма ҳам ея олмайди.
Кокос таркибида эса 283 калория жамланган. Турган-битгани ёғдан иборат мева. Гарчи, кокос энг мазали десерт саналса ҳам, у жуда калорияли ҳисобланади. Агар десертни бирор мева билан безамоқчи бўлсангиз, яхшиси киви ва қорағатдан фойдаланинг. Уларнинг кўриниши чиройли, калорияси эса деярли йўқ.
Апельсинлар таркибида эса шакар ва калория унча кўп эмас, бироқ унинг шарбати тиш эмалини емириши мумкин. Шунинг учун ҳар доим ҳам янги чиқарилган апельсин шарбатини ичиш тавсия қилинмайди.
Клюква шарбати эса буйраги оғрийдиган одамларга шифо бўлади. 100 грамм мева таркибидаги 123 калория меванинг тўйимлилигини яна ҳам оширади.
Агар сиз ушбу меваларни кам миқдорда ёки бошқа нордонроқ мевалар билан бирга истеъмол қилсангиз, зарар қилмайди. Клюкванинг эса шарбатидан кўра, компоти фойдалироқдир. Шунингдек, парҳезшунослар меваларни ўз пишадиган мавсумидан бошқа пайтда истеъмол қилишни тавсия қилмайди. Чунки уларга айниб қолмаслиги учун махсус воситалар ёрдамида ишлов берилади. Шунинг учун мева ва сабзавотларни ҳар доим ўз мавсумида еган яхшироқ. Музлатилган мевалардан ҳам узоқроқ юришга ҳаракат қилинг. Мавсуми ўтиб кетган мангодан кўра, оддийгина сабзи шарбати фойдалироқдир.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!