Тайван масаласи Пекин ва Вашингтон ўртасидаги муносабатлардаги қизил чизиқдир, деб ёзади Хитой ТИВ.
Қайд этилишича, мамлакат раҳбари Си Цзиньпин G20 саммити доирасидаги учрашув чоғида АҚШ президенти Жо Байденга шу мазмунда гапирган.
“Хитой раҳбари Тайван масаласи Хитойнинг асосий манфаатларининг ўзаги, сиёсий пойдевори ва ҳеч ким кесиб ўта олмайдиган асосий қизил чизиқ эканлигини аниқ айтди”, – дейилади баёнотда.
Бундан ташқари, Хитой раҳбари халқаро муносабатлар нормаларига риоя қилиш ва Хитой-АҚШ учта қўшма коммуникеси (халқаро воқеалар бўйича расмий ҳисобот) икки давлат ўртасидаги муносабатларнинг энг муҳим ҳимояси ва суғуртаси бўлиб қолаётганини таъкидлаган.
Қайд этиш мумкин Тайван атрофидаги вазият жорий йилнинг август ойи бошида, оролга АҚШ Конгресси Вакиллар палатаси спикери Ненси Пелоси ташриф буюрганидан сўнг сезиларли даражада кескинлашган. Хитой эса ташрифни қоралаб, буни Тайван сепаратизмини қўллаб-қувватлаш, деб баҳолади ва кенг кўламли ҳарбий машғулотлар ўтказди. Россия президенти Владимир Путин Тайванни Хитойнинг ажралмас қисми сифатида баҳолаган.
Пекин Тайван суверенитетини тан олмайди, уни ўз вилояти деб билади ва бутун дунёда “ягона Хитой сиёсати”га риоя қилинишини талаб қилади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!