Уларнинг мазкур босқичдаги рақиблари ким эканлиги маълум бўлди.

Дунёнинг иккинчи рақамли ракетка устаси, россиялик теннисчи Даниил Медведев Австралия очиқ чемпионатининг тўртинчи давра беллашувида ғалаба қозонди ва чорак финалга йўл олди.

Медведевнинг ушбу босқичдаги рақиби АТП рейтингида 70-ўринни эгаллаб турган АҚШ вакили Максим Кресси бўлди.

Дастлабки икки сетда Даниил, учинчисида эса Кресси устун келди. Аммо тўртинчи сетни ўз фойдасига ҳал қилган россиялик теннисчи 6:2, 7:6 (7:4), 6:7 (4:7), 7:5 ҳисобида зафар қучди. Қарама-қаршилик 3 соат 27 дақиқа давом этди.

Шунингдек, «Катта Дубулға» туркумига кирувчи турнирларнинг 20 карра ғолиби, испаниялик Рафаэл Надал эса Франциялик Адриан Маннаринони 7:6 (16:14), 6:2, 6:2 ҳисобида таслим қилди ва 2 соат 41 дақиқа давом этган учрашувни ўз фойдасига ҳал қилди.

Ярим финалга чиқиш учун Медведев канадалик Феликс Оже-Аляссим, Надал эса бошқа бир канадалик Денис Шаповаловга қарши кортга чиқади.

Эслатиб ўтамиз, мавсумнинг илк «Катта Дубулға» мусобақаси жорий йилнинг 30 январь куни якунланади.

• Жаҳон
• Теннис