Республика тез тиббий ёрдам маркази автобазаси 110 та “Волксwаген Cаддй” русумли сўнгги авлод тез тиббий ёрдам машиналари билан бойиди.
Соғлиқни сақлаш вазирлиги тизимида эскирган автотранспорт воситаларини босқичма-босқич замонавийларига алмаштириш ишлари олиб борилмоқда.
Хусусан, “103” хизматида 2938 дона “Тез ёрдам” машинаси бўлиб, шундан 648 таси ёки 22 фоизи норматив ҳужжатларга асосан янгиланишга муҳтож.
Жиззах вилоятида Соғлиқни сақлаш вазири ўринбосари Отабек Фозилкаримов ва вазирлик масъул вакиллари иштирокида ўтган янги тез тиббий ёрдам автомашиналарини тантанали топшириш маросимида таъкидланганидек, “Волксwаген Cаддй” юқори техник кўрсаткичга эгалиги, ҳаракатланиш қобилияти юқорилиги ва ихчамлиги билан ажралиб туради.
Мазкур автомобилларни лойиҳалаш ва жиҳозлашда шифокор ҳамда беморларга имкон қадар қулайлик яратишга эътибор берилган.
Ҳозирги кунда “103” тасарруфида:
244 та “Hunday”,
145 та “Volkswagen Caddy”,
90 та “Nissan”,
46 та “Toyota”,
228 та “Ford”,
13 та “Foton”,
37 та “UAZ”,
5 та “Isuzu NLR”,
29 та “Isuzu D-MAX”,
19 та “Gazel”,
2082 та “Damas” машиналари хизмат кўрсатмоқда.
Президентнинг 2021 йил 27 майдаги 5129-сон ва 2022 йил 16 июндаги 283-сон қарорларига мувофиқ, тизимдаги мавжуд “Damas” русумли ва хизмат муддатини ўтаган бошқа турдаги автотранспорт воситаларини 2022-2024 йилларда янгилаш белгиланган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!