Бугун, 23 июн куни Ўзбекистон Ташқи ишлар вазири вазифасини бажарувчи Владимир Норов Аргентина Республикасининг мамлакатимиздаги Фавқулодда ва мухтор элчиси этиб тайинланган (қароргоҳи Москва шаҳрида) Эдуардо Антонио Зуайнни қабул қилди. Бу ҳақда вазирлик матбуот хизмати хабар берди.
Қайд этилишича, суҳбат чоғида Ўзбекистон-Аргентина ҳамкорлигининг бугунги ҳолати ва ривожланиш истиқболлари муҳокама қилинди.
Томонларнинг конструктив сиёсий мулоқотни фаоллаштиришга тайёрлиги таъкидланди. Ўзаро алоқаларнинг шартномавий-ҳуқуқий асосини кенгайтириш, парламент дипломатиясини ривожлантириш, вазирликлараро маслаҳатлашувларни ўтказиш, шунингдек, халқаро институтлар доирасидаги саъй-ҳаракатларни мувофиқлаштириш бўйича таклифлар кўриб чиқилди.
Шунингдек, икки мамлакат ҳудудида ўтказиладиган кинофестиваллар ва бошқа тадбирларда иштирок этиш, кадрлар тайёрлашда олий таълим муассасалари алоқаларини кенгайтириш, спорт соҳасидаги муносабатларни ривожлантириш, сайёҳлик алмашувларини жадаллаштириш масалаларини ўрганиб чиқишга тайёрлиги маълум қилинди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!