Аввал хабар қилинганидек, Ўзбекистон ташқи ишлар вазири вазифасини бажарувчи Владимир Норов расмий ташриф билан Москвага борди.
Республика элчихонасида ташқи сиёсат идораси раҳбари мамлакатда бошланган конституциявий ислоҳотлар ҳақида нутқ сўзлади.
«Ўзбекистон халқ турмуш даражасини ошириш, инновацион иқтисодий ўсишни мустаҳкамлаш ва мамлакат хавфсизлигини таъминлашга қаратилган кенг кўламли ислоҳотлар йўлидан ўз тараққиётининг янги масъулиятли босқичига қадам қўйди.
Конституциявий ислоҳотлар – бу давр талаби, уни демократик ислоҳотлар мантиғи тақозо этмоқда. Янгиланган конституция Ўзбекистоннинг узоқ муддатли ривожланиш стратегиясининг мустаҳкам ҳуқуқий асосини, кафолатини яратиши керак», – деди Норов.
Владимир Норов, шунингдек, аввалроқ мамлакат президенти Шавкат Мирзиёев томонидан илгари сурилган конституциявий ислоҳотларнинг асосий устувор йўналишларини эслатиб ўтди.
«Конституция мазмунида инсон шаъни ва қадр-қиммати йўлидаги ғояларни чуқур жорий этиш ҳамда «инсон-жамият-давлат» ёндашуви таклиф этилмоқда, яъни мавжуд парадигма «давлат-жамият-инсон» ўрнига янги парадигма жорий этилмоқда.
Бошқача айтганда, инсон қадр-қимматини юксалтириш ҳукумат органларининг устувор вазифаси бўлиши керак.
Яна бир муҳим вазифа – оиланинг иқтисодий ва маънавий асосларини мустаҳкамлаш, болалар манфаатларини таъминлаш, ногиронлиги бўлган шахсларни қўллаб-қувватлаш, инсон саломатлиги ва атроф-муҳитни муҳофаза қилиш учун барча шарт-шароитларни яратишдир», – деди ТИВ раҳбари.
Ташриф доирасида Владимир Норов Россия Давлат Думаси, Ташқи ишлар вазирлиги ва бошқа идораларда бир қатор учрашувлар ўтказади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!