АҚШ миллий аэронавтика ва фазо маъмурияти (NASA) раҳбари Билль Нелсон Хитой космонавтлари Ойгача етиб бориши ва мамлакат ҳукумати Ернинг йўлдошини ўз ҳудуди деб эълон қилишидан хавотирда эканлигини айтди.
Нелсоннинг таъкидлашича, айни вақтда "коинотни тадқиқ қилиш бўйича янги пойга" бошланган ва унда Хитой ҳукумати ҳам фаол иштирок этяпти.
"Хитой Ойгача етиб бориши ва "Бу ер бизга тегишли, ундан нари туринг" деб айтишидан жиддий ташвишланишимиз керак», дейди Нелсон. NASA раҳбарининг айтишича, бундай фикрлашига Хитойнинг "ҳарбий космик дастури"га эга эканлиги сабаб бўлмоқда.
Билль Нелсон шунингдек, хитойлик космонавтларга "бошқаларга тегишли бўлган йўлдошларни ишдан чиқариш ҳам ўргатилиши"ни тахмин қиляпти.
Эслатиб ўтамиз, бундан бир муддат аввал Хитой Ойга ўз тайконавтларини 2030 йилга қадар юбориш ниятида эканлиги маълум бўлганди. Тайконавтлар катта эҳтимол билан Ойнинг Жанубий қутбига бориб қўнишади, бу ерда илмий-тадқиқот станцияси ва база ишга туширилади.
Ойнинг Жанубий қутби етарлича ёруғ ва муз захираларига эга эканлиги учун ҳам қўниш жойи сифатида танлаб олинган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!