Таниқли хонанда Селин Дион мухлисларига видеомурожаат йўллаб, яқин кунлардаги гастроль сафарларини бекор қилиши, бунга давосиз дардга чалингани сабаб эканлигини айтиб ўтди.
54 ёшли хонандага мушаклар таранглиги синдроми ташхиси қўйилган. Шу туфайли хонанда мушакларда доимий равишда оғриқ сезади, бу эса унинг ҳаракатланиш имкониятларини чеклаб қўйган. Ушбу синдромга чалинган инсон автомобиль бошқариш имкониятидан маҳрум бўлади, бир ерда тинч ўтиролмайди. Шифокорлар Селин Дионга куйлаш ва саҳнада чиқишни ҳам тақиқлашган.
"Узоқ вақт давомида саломатлигимдаги муаммолардан азият чекдим, буни қабул қилишим, бошимдан ўтаётган воқеалар ҳақида сўзлаб беришим қийин кечди... Менга "Мушаклар таранглиги синдроми" ташхиси қўйилди. Ушбу касаллик миллион нафар одамдан биттасида учрар экан", – дейди хонанда.
Ижодкор ўз фаолиятини 2023 йилнинг баҳор фаслидан қайта тиклашни режа қилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!