Туризм ва спорт вазирлиги ҳузуридаги Маданий мерос агентлиги директори Шаҳриёр Нуруллоев Япония халқаро ҳамкорлик агентлиги (JICA)нинг Ўзбекистондаги ваколатхонаси директорининг биринчи ўринбосари Ёшимаса Такемура вакиллари билан учрашди.
Қайд этилишича, учрашув Ўзбекистон Республикаси Президентининг 2019 йил 28 декабрдаги “Ўзбекистон Республикаси ва Япония ўртасида икки томонлама ҳамкорликни янада кенгайтириш ва мустаҳкамлаш чора-тадбирлари тўғрисида”ги ПҚ-4553-сонли қарорида белгиланган топшириқлар ижросини таъминлаш, хусусан, Ўзбекистон Республикасида Буюк Ипак йўли маданий мерос архивларини сақлаш ва рақамлаштириш ҳамда икки мамлакат ўртасида маданий меросни асраш йўналишида ҳамкорлик алоқаларини мустаҳкамлаш мақсадида ташкил этилган.
Хабарда келтирилишича, учрашув якунида томонлар лойиҳа ҳужжатларини Ўзбекистон ва Япония ўртасида дипломатик алоқалар ўрнатилганлигининг 30-йиллигига бағишланган тадбирлар доирасида имзолаш маросимини ўтказишга келишиб олишган.
Эслатиб ўтамиз, JICA томонидан 2021 йилнинг 10-30 июн кунлари Ўзбекистон тарихи давлат музейи ҳамда Термиз археология музейларида ва Термиз шаҳри яқинидаги археологик обектларда ўрганиш ишлари олиб борилганди. Ўрганиш натижаларига кўра 2021 йил 29 октябр куни Маданий мерос агентлигида лойиҳанинг дастлабки муҳокама йиғилиши бўлиб ўтган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!