Технологик миллиардер Илон Маск унинг Neuralink компанияси яқин олти ой ичида инсон миясига мия чипини жойлаштириш бўйича клиник синовларни бошлашини маълум қилди.
Ривожланаётган замонавий технология ногиронлиги бўлган беморларнинг ҳаракатланиши ва яна осонгина мулоқот қилишига ёрдам беради. Маск, шунингдек, бу қисман кўзи ожиз одамларнинг кўриш қобилиятини тиклашга ёрдам беришини айтди.
Neuralink штаб-квартирасида қарийб уч соат давом этган тақдимотда оломон олдида нутқ сўзлаган Маск компаниянинг қурилмани яратиш тезлигини таъкидлади.
"Neuralink қурилмаси мақсад қилган инсоннинг дастлабки иккита касаллиги кўриш қобилиятини тиклаш ва ҳаракатлана олмайдиган одамларда мушакларнинг ҳаракатланишига имкон беради",- деди Маск.
Neuralink'нинг бир йил аввал оммага тақдим этган сўнгги тақдимотида мия чипи бўлган маймун ёлғиз ўйлаган ҳолда компютер ўйинини ўйнаган.
Маск мияга мураккаб электрон қурилмаларни бошқариш имконини берадиган ва охир-оқибат фалаж бўлган одамларнинг мотор функциясини тиклашга ва паркинсон, деманс ва алтсгеймер каби мия касалликларини даволашга имкон берадиган чип ишлаб чиқмоқчи. Шунингдек, у мияни сунъий интеллект билан бирлаштириш ҳақида гапирди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!