2022 йил учун яшаш нархи индекси бўйича Ўзбекистон 133-ўринда, ижара индекси бўйича эса 139 та давлат ичида 106-ўринни қайд этган, бу ҳақда Numbeo веб-нашри хабар бермоқда.
Бермуд ороллари, Швейцария ва Норвегия яшаш нархи бўйича етакчи, Ҳиндистон, Афғонистон ва Покистон эса энг бюджетли мамлакатлардир. Россия мазкур рўйхатда 101-ўринни, Қозоғистон эса 129-ўринни эгаллаган.
Қозоғистоннинг Олмаота ва Тошкент шаҳарларидаги нархларни таққослаш шуни кўрсатадики, Ўзбекистон пойтахтида арзон ресторанлар ва фастфудлардаги таомлар 13-29 фоизга арзонроқдир. Аммо ичимликлар хусусан, уйда тайёрланган пиво 58 фоизга, кола ва Пепси – 22 фоизга қимматроқ деб баҳоланган.
Тошкент бозорларида маҳаллий пишлоқ ва сабзавотларни харид қилиш фойдалироқ – уларнинг нархи Олмаота бозорларидаги нарх-навога нисбатан 17-23 фоизга арзонроқ. Бироқ Қозоғистон пойтахтида олма, банан ва апельсинлар Ўзбекистон бозорларидаги цитрус меваларга қараганда деярли икки баравар арзон. Ўзбекистонда транспорт ва коммунал хизматлар арзонроқ, лекин болаларнинг таълим олиши қимматроқ, ўртача ойлик эса пастроқ, дея баҳоланган.
Ижарага олиш рейтингида биринчи учликдан Бермуд ороллари, Гонконг ва Сингапур, энг арзон ижара жойлари эса Непал, Покистон ва Афғонистонда жойлашган. Бу рўйхатда Россия 75-ўринни, Қозоғистон эса 105-ўринни ишғол этган.
Олмаота ва Тошкентдаги нархларни таққослаш шуни кўрсатадики, Ўзбекистон пойтахтида квартира ижараси Олмаотадагидан 11–17 фоизга паст. Шаҳар марказида квартира сотиб олиш Тошкент аҳолисига Олмаота аҳолисидан 10 фоизга, марказдан ташқарида эса 29 фоизга арзонга тушади. Лекин айни пайтда Ўзбекистонда ўртача ипотека фоиз ставкаси Қозоғистондагидан ипотека бозоридан икки баробар юқори.
Эслатиб ўтамиз, аввалроқ Ўзбекистон очлик даражаси бўйича глобал рейтингда 21-ўринни эгаллагани борасидаги хабар эълон қилинган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!