“Юра даври дунёси 3: Ҳукмронлик ” илмий-фантастик фильми даромади жаҳон прокатида бир миллиард доллардан ошиб кетди. Фильмнинг бундай натижага эришиши учун анча вақт керак бўлди.

2022-йил 22-сентябр, пайшанбага келиб, “Юра даври дунёси-3” ўз уйида 376 миллион доллардан, халқаро прокатда эса 624 миллион доллардан сал кўпроқ даромад келтирди. Картина бутун дунё бўйлаб 1 миллиард доллар йиғган “Universal” компаниясининг еттинчи кинолойиҳаси бўлди. Франшизанинг ўзи ҳозирда 6,02 миллиард доллар йиғмоқда.

Крис Пратт , Брайс Даллас Ховард , Лаура Дерн , Жефф Голдблум ва Сем Нил ролларини ижро этган картина июн ойи бошида тақдим этилган ва биринчи икки ҳафта ичида бутун дунё бўйлаб 500 миллион доллардан ортиқ даромад келтирган. Ўша ойда у 600 миллион доллар ишлаб топди ва пандемия даврида буни амалга оширган бешта Голливуд фильмидан бирига айланди.

• Кино
• қизиқарли