АҚШ Президенти Жо Байден ўтган шанба куни унинг кўрсатмаси билан Қўшма Штатлар Афғонистоннинг Қобул шаҳрида Ал-Қоида амири Айман аз-Завоҳирийни ўлдирган ҳаво ҳужуми муваффақиятли якунланганлигини маълум қилди.

-Америкалик ватандошларим, шанба куни менинг кўрсатмам билан Қўшма Штатлар Афғонистоннинг Қобул шаҳрида Ал-Қоида амири Айман аз-Завоҳирийни ўлдирган ҳаво ҳужумини муваффақиятли якунлади.

Биласизми, ал-Завоҳирий бин Ладеннинг асосий етакчиларидан бири эди. Завоҳирий ҳамма вақт - у билан бирга бўлган.

У Бин Ладеннинг иккинчи рақамли одами ва АҚШдаги 11-сентябр теракти пайтида унинг ўринбосари ҳам бўлган. У Америка заминида 2977 кишининг ўлимига сабаб бўлган 11 сентябр воқеаларини режалаштиришда ҳам иштирок этган.

Ўнлаб йиллар давомида у америкаликларга қарши ҳужумлар, жумладан, 2000 йилда 17 америкалик денгизчининг ўлимига сабаб бўлган УСС Коулнинг портлаши ва яна ўнлаб одамларни яралаган ҳужумлар уюштирган.

У Кения ва Танзаниядаги АҚШ элчихоналарини бомбардимон қилишда муҳим асосий рол ўйнади. Ўша ҳодиса оқибатида 224 киши ҳалок бўлди ва 4500 дан ортиқ киши жароҳат олган.

У Америка фуқаролари, Америка ҳарбий хизматчилари, Америка дипломатлари ва Америка манфаатларига қарши қотиллик ва зўравонликларда ўзининг чуқур салбий изларини ўйиб қолдирди. Ва Қўшма Штатлар 11 йил олдин бин Ладенни йўқ қилганидан кейин Завоҳирий Ал-Қоиданинг етакчиси бўлиб келган.

Бугун биз йўқотилганларимизни хотирлаймиз. Биз ўзимизни тириклар хавфсизлигига бағишлаймиз.

Ва биз ҳеч қачон ўз халқимизни ва унинг манфаатларини ҳимоя қилишдан қайтмасликка ваъда берамиз.

Барчангизга раҳмат.

Худо аскарларимизни ва биз учун хизмат қилаётган барчани ўз паноҳида асрасин.

Биз ҳеч қачон - ҳеч қачон таслим бўлмаймиз.

• АҚШ
• Афғонистон
• Байден
• ИШИД
• Tolibon