1,2 миллион абитуриент 8 август тонгини ўзгача ҳаяжон билан қаршилади. Сабаби, бугундан бошлаб олий таълим муассаласарига кириш имтиҳонлари старт oldi.
Xabardor.uz жамоаси ДТМ тест синовининг биринчи кунида тест жараёни билан қизиқди ва Тошкент шаҳрида жойлашган “Пахтакор” стадионига борди.
Ўйингоҳ 4 та секторга бўлинган бўлиб, бу ерда 2 280 нафар абитуриент учун жой ҳозирланган.Тест жараёнларида турли хил сабабларга кўра, кеч қолиб келган абитуриентларни ҳам эшик олдида кўриш мумкин.
Спорт майдони ташқарисида абитуриентларнинг яқинлари учун яратилган шароитларни эса қониқарли деб бўлмайди.
Тест жараёнларини кузатиш мақсадида ДТМ директори ўринбосари Сардор Ражабовнинг ўзи ҳам шу ерда эди.
“Бугун ҳеч қандай ортиқча буюмлар ва ўринга ўрин кириш ҳолатлари кузатилмади. Кунинг иккинчи ярмида ҳам тест синовлари ўтказилгандан сўнг, барча маълумотлар штабга йиғилади”, – деди Сардор Ражабов.
Лекин эрталабки тест синовидан сўнг ижтимоий тармоқларда “арча байрам” рукнида маълумотлар тарқалди.
Мазкур хабарларда ДТМ томонидан берилган савол варақаларининг расмини кўриш мумкин. Ҳолат юзасидан Давлат тест маркази расмий муносабат билдирди.
Маълум бўлишича, суратда кимё ва математика фанларидан тест топшириқлари акс этган, лекин уларнинг рақами кўринмаган.
Савол варақаси 8 август куни Фарғона вилоятида ўтказилган тест синовларига тааллуқли бўлиб, мазкур абитуриент имтиҳон вақтида телефондан фойдаланаётгани аниқланиб, далолатнома асосида тест синовларидан четлаштирилган.
“Марҳамат, сизлар турли расмларни ижтимоий тармоқда эълон қилишда давом этаверинг, биз эса барчаси назоратда эканини кўрсатиб берамиз ҳамда жараёнлар шаффоф ва адолатли ўтишини таъминлаймиз”, – дейилади марказ баёнотида.
Эслатиб ўтамиз, тест синовлари якунлангандан сўнг 7 кун мобайнида имтиҳон натижалари текшириб чиқилади ва абитуриентнинг талабаликка тавсия этилгани ёки тавсия этилмагани маълум бўлади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!