Prezident qarori bilan Tojikiston-O‘zbekiston investitsiya kompaniyasini tashkil etish to‘g‘risidagi Bitim tasdiqlandi

  • 16:55 / 08.09.2021
  • 174

Prezident Shavkat Mirziyoevning “Xalqaro shartnomani tasdiqlash to‘g‘risida”gi qarori qabul qilindi.
Qaror bilan, Tojikiston Respublikasining Dushanbe shahrida 2021-yil 10-iyun kuni O‘zbekiston hamda Tojikiston Respublikasi Hukumati o‘rtasida imzolangan Tojikiston-O‘zbekiston investitsiya kompaniyasini tashkil etish to‘g‘risidagi Bitim tasdiqlandi.
Shuningdek, Tiklanish va taraqqiyot jamg‘armasi mazkur xalqaro shartnomani amalga oshirish uchun mas’ul bo‘lgan vakolatli organ etib belgilandi.
Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirgach, uning qoidalari amalga oshirilishi ustidan nazoratni ta’minlaydi.