Tatariston prezidenti Rustam Minnaxanov bugun, 10-oktyabr kuni amaliy tashrif bilan Oʻzbekistonga keldi.

Maʼlum boʻlishicha, Tatariston rahbarining Oʻzbekistonga safari 2 kun davom etadi. Siyosatchi bilan birga mamlakatga yirik kompaniyalar va korxona rahbarlari, tadbirkorlar tashrif buyurgan.

Rustam Minnixanovning amaliy tashrifi dasturidan Oʻzbekiston Respublikasi Prezidenti Shavkat Mirziyoyev, mamlakat Bosh vaziri Abdulla Aripov bilan uchrashuv ham oʻrin olgan. Tatariston rahbarining bir qator korxonalar, jumladan Angrendagi shinalar zavodiga tashrif buyurishi rejalashtirilgan.

Minnixanov shuningdek, Jizzaxda joylashgan Qozon federal universiteti filialining ochilish marosimida shaxsan ishtirok etadi.

• Президент
• Татарстан
• xabar