Turmushga chiqmagan qizni fohishalik uchun olib ketayotgan ayol qo‘lga olindi

  • 08:00 / 19.04.2021
  • 78

Sirdaryo viloyatida asli qoraqalpog‘istonlik hali turmushga chiqmagan 30 yoshli qizni xorijga olib chiqib ketayotgan fuqaro qo‘lga olindi.

Ma’lum qilinishicha, 2021-yilning 17-aprel kuni O‘zbekiston Respublikasi DXX Sirdaryo viloyati boshqarmasi, Sirdaryo viloyati IIB Odam savdosi va noqonuniy migratsiyaga qarshi kurashish bo‘limi hamda Guliston shahar IIO FMB TEQKB xodimlari tomonidan odam savdosi jinoyati yuzasidan tadbir o‘tkazilgan.

Tadbir davomida 1983-yilda Sirdaryo viloyatida tug‘ilgan, gulistonlik fuqaro D.T, 1991-yilda Qoraqalpog‘iston Respublikasida tug‘ilgan, turmushga chiqmagan, Sirdaryo viloyati, Guliston shahrida yashovchi fuqaro N.K.ni Spark rusumli avtomashinada Toshkent shahridagi xalqaro aeroport orqali Turkiya davlati, Antaliya shahriga fohishalik bilan shug‘ullanish uchun olib ketayotgan vaqtida tadbir ishtirokchilari tomonidan qo‘lga olingan.

Holat yuzasidan tergovga qadar surishtiruv ishlari olib borilmoqda.