Olimlar umr davomiyligi 10 yilga uzaytirish, diabet, saraton va yurak kasalliklarining oldini olish, umr sifatini yaxshilashga yordam berishi mumkin boʻlgan odatlarni sanab oʻtishdi. Mavzuga doir tadqiqot Garvard maktabi mutaxassislari tomonidan oʻtkazilgan.

Tadqiqot jarayonida 45 yoshdan oshgan 73 ming nafar ayol va 38 mingta erkakning salomatligiga oid maʼlumotlar oʻrganib chiqilgancha, umr davomiyligini oshirishga yordam beradigan odatlar aniqlangan.

Ulardan birinchisi doimiy ravishda sport bilan shugʻullanishdir. Shuningdek, foydali odatlar roʻyxatida sogʻlom taomlanish, tamaki va spirtli ichimliklardan voz kechish, semirib ketmaslik, kuniga 8 soat davomida toʻyib uhlash mavjud.

Tadqiqotchilar toʻyib uhlamaslik yurak kasalliklariga sabab boʻlishi, diabet va semirishga olib kelishini taʼkidlab oʻtishgan. Shuningdek, uzoq umr koʻrish uchun kuniga yarim soat sport bilan shugʻullanish ham juda muhim.

Tadqiqotchilar ushbu odatlarga ega boʻlgan ayollar boshqalarga nisbatan 10 yil, erkaklar esa 8 yilga koʻproq yashaydilar degan xulosaga kelishgan.

• Foydali
• qiziqarli
• salomatlik