Ispaniyalik model, Krishtianu Ronalduning sevgilisi Jorjina Rodriges oʻzining Instagram sahifasida Netflix tomonidan unga bagʻishlab serial suratga olinganini maʼlum qildi. Serialga “Men Jorjinaman” deb nom berilgan.

“Bu muqovalar, hikoyalar va qizil yoʻlakchalar ortiga berkingan hamma narsa. Barcha seriyalar 27-yanvar kuni taqdim etiladi”, deb yozdi Jorjina oʻz sahifasida.

Serialda Jorjina Rodrigesning hayoti va kasbiy faoliyati aks etgan. Unda bosh rolni modelning oʻzi ijro etgan.

Maʼlumot uchun, Jorjina Rodriges Krishtianu Ronaldu bilan 2016-yildan beri birga yashaydi, ammo juftlik hali rasman oila qurmagan. 2017-yilda mashhur juftlikning Alana Martina ismli qiz farzandlari dunyoga kelgan. Ayni vaqtda Jorjina egizak farzandlarni dunyoga keltirishga tayyorgarlik koʻrmoqda.

• mashhurlar
• qiziqarli