Al Jazeera’ning viloyat gubernatoriga tayanib xabar berishicha, Iroqda savdo markazida katta yong‘in kelib chiqqan.

Viloyat gubernatori Muhammad Jamil Al-Miyaxining so‘zlariga ko‘ra, fojia chorshanba kuni kechqurun sodir bo‘lgan. Yong‘in savdo markazi binosini qamrab olgan. Hodisa oqibatida tashrif buyuruvchilar va xodimlar orasida ko‘plab insonlar halok bo‘lgan.

“Yirik savdo markazidagi fojiali yong‘inda halok bo‘lganlar va jabrlanganlar soni 50 kishiga yetdi”, ؘ– deb xabar bergan gubernator.

Mahalliy OAV ma’lumotlariga ko‘ra, yong‘in sodir bo‘lgan savdo markazi atigi besh kun oldin ochilgan bo‘lgan.

• Iroq
• yong‘in