Ma’lum qilinishicha, joriy yilning 3-noyabr kuni O‘zbekistonning shimoliy hududlariga, 4-6-noyabr kunlari respublikaning barcha hududlariga sovuq va nisbatan nam havo massalari kirib keladi. Respublika bo‘yicha ob-havoning keskin o‘zgarishi kutilmoqda.

3-5-noyabrda ba’zi joylarda yomg‘ir yog‘adi, tog‘ oldi va tog‘li hududlarda qorga aylanadi.

4-6-noyabrga kelib havo harorati asta-sekin pasayadi va kechalari 0-3 daraja iliqni tashkil etadi, ba’zi joylarda sovuq bo‘lishi mumkin, kunduz kunlari 8-13 daraja iliqqacha bo‘ladi.

O‘zbekistonning ayrim hududlarida 31-oktyabrda yomg‘ir yog‘adi. Bu yil noyabr oyi qanday bo‘ladi?

3-noyabrdan shimoliy hududlarga, 4-noyabrdan O‘zbekistonning barcha hududlariga sovuq va nam havo massalari kirib kelishni boshlaydi. 3–5-noyabrda respublika viloyatlarining ba’zi joylarida yomg‘ir yog‘adi, tog‘ oldi va tog‘li hududlarda qorga aylanadi.

Shuningdek, “O‘zgidromet” butun noyabr uchun ob-havo prognozini ham e’lon qildi.

Unga ko‘ra, Respublika bo‘ylab, 4–7-noyabrda havo harorati kechasi 0-3 daraja iliqqacha, ba’zi joylarda sovuqqacha, kunduzi 8-13 daraja iliqqacha asta-sekin pasayadi.

Keyinchalik noyabr oyining oxirigacha havo harorati kechasi 3 daraja sovuq – 2 daraja iliqdan 5-10 daraja iliqqacha, kunduzi 8-13 daraja iliqdan 18-23 daraja iliqqacha o‘zgarib turadi.

Noyabr oyida o‘rtacha oylik havo harorati me’yordan 1-1,5 daraja past bo‘lishi kutilmoqda, ba’zi joylarda me’yorga yaqin bo‘ladi.

Noyabr oyining ikkinchi va uchinchi o‘n kunligida (2-3 kun) yog‘ingarchilik asosan yomg‘ir ko‘rinishida bo‘lishi kutilmoqda.

• Ob-havo
• O‘zgidromet