2021-yili shved lugʻatida 36 ta yangi soʻz paydo boʻldi. Ularning aksariyat qismi koronavirus pandemiyasi va iqlim oʻzgarishlarini ifoda etadi. Yangi soʻzlarning bir qismi avval ham qoʻllanilgan boʻlishiga qaramay, aynan oʻtgan yilga kelib lugʻatga rasman kiritilgan.

Roʻyxatda avvalgiga nisbatan koʻproq qoʻllana boshlagan soʻzlar bilan bir qatorda emlanganlik haqidagi pasport (vaccinpass) va hid bilish qobiliyatining yoʻqotilishi (anosmi) ni anglatuvchi soʻzlar ham bor.

Pandemiya davridagi cheklovlar va masofadan ishlash tarziga oʻtilishi “gibrid uchrashuvlar” (hybridmote) hamda “videokonferensiyalardan charchash” (zoomtrotthet) soʻzlarining ham lugʻatga kiritilishiga sabab boʻlgan.

Iqlim oʻzgarishi muammosi esa lugʻatda “svinnlada” (yaroqlilik muddati oʻtgan mahsulotlar uchun quti), “koldioxidsug” (karbonad angidrid gazini yutish qurilmasi) kabi soʻzlarning paydo boʻlishiga olib kelgan.

• Jahon
• qiziqarli