2022 yilning yanvar oyida “Barkamol avlod” sport musobaqalarining respublika bosqichidan oʻrin olgan 3 ta musobaqa boʻlib oʻtadi. Ushbu oyda Samarqand badminton boʻyicha, Toshkent viloyati belbogʻli kurash boʻyicha, Sirdaryo viloyati esa shaxmat va shashka musobaqalarini oʻzida qabul qiladi.
Eslatib oʻtish mumkin, 20210-yilning ikkinchi yarmida ham ushbu sport festivalining hududiy bosqichlari oʻtkazilib, yil yakuni arafasida final bosqichi musobaqalariga start berilgan edi.
Dekabr oyining oʻzidayoq oʻquvchi yoshlar oʻrtasida final bosqichidan oʻrin olgan 3 ta musobaqa tashkil etilgan. Dastlab, Nukusda dzyudo bahslari oʻtkazilgan boʻlsa, keyinchalik sportchi yoshlar yengil atletika boʻyicha Jizzaxda va kurash boʻyicha Buxoroda oʻzaro bellashishgan.
Maʼlumot uchun, 12 ta sport turidan oʻtkaziluvchi “Barkamol avlod” sport oʻyinlarining respublika final bosqichi yakunida 14 ta hududning har bir musobaqa davomida toʻplagan ochkolari hisobiga koʻra umumjamoa hisobida gʻoliblikni qoʻlga kiritgan hudud aniqlanadi.
Hozircha yakuniy jadvalni buxorolik sportchilar 41 ochko bilan boshqarib turishibdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!