24 nafar Afg‘oniston fuqarosi Davlat chegarasini buzib, noqonuniy ravishda O‘zbekiston hududiga o‘tgan. Bu haqda DXX chegara qo‘shinlariga tayanib, O‘zA xabar berdi.
2022 yilning 21 avgust kuni Surxondaryo viloyatining “Payg‘ambar oroli” hududida bir guruh Afg‘oniston fuqarolari Davlat chegarasini buzib, o‘z qayiqlarida ushbu hudud tomon harakatlangan.
Ta’kidlanishicha, qoidabuzarlar orolga yetib kelgan O‘zbekiston chegara qo‘shinlari vakillariga qarshilik ko‘rsatgan.
Olib borilgan tezkor tadbir natijasida O‘zbekiston Davlat chegarasini buzganlarning barchasi (jami 24 nafar) shaxsini aniqlash va tezkor-qidiruv tadbirlarini o‘tkazish maqsadida qo‘lga olingan.
O‘tkazilgan surishtiruv natijalariga ko‘ra, chegaradagi hodisaga O‘zbekistonning chegara hududida ko‘p miqdorda o‘sadigan qizilmiya ildizining noqonuniy ravishda olinishi sabab bo‘lgani aniqlangan.
Qayd etilishicha, ayni paytda “Payg‘ambar oroli” hududi O‘zbekiston Chegara qo‘shinlari bo‘linmalarining to‘liq nazorati ostida.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!