22°
Kechasi 10°
Ichki ishlar vazirligi Kiberxavfsizlik markazi matbuot xizmatining maʼlum qilishicha, Samarqand viloyati Bulungʻur tumani IIBga J.A. ariza bilan murojaat qilib, oʻziga tegishli boʻlgan bank kartasidan 8 million 918 ming 900 soʻm pul nomaʼlum sababga koʻra yechib olinganini maʼlum qilgan.
Tekshiruv davomida aniqlanishicha, J.A. Telegram messenjeridagi “Davrbank kredit” soxta botga kirgan va botda “Davrbank” orqali onlayn mikrokredit olish imkoni borligi haqidagi yolgʻon maʼlumotlarga ishonib, zararli havolaga bank kartasi maʼlumotlarini kiritgan. Soʻng pullar yechilgani maʼlum boʻldi.
Olib borilgan tezkor-qidiruv tadbirlari davomida ushbu jinoyatni Fargʻona viloyatida yashovchi M.S. sodir etgani aniqlangan.
M.S. zararli havola yaratib, Telegram kanallariga tarqatgan holda 300 dan ortiq bank kartalari boshqaruvini qoʻlga kiritib, kartalardagi pullarni talon-toroj qilgan.
Bir qismini “1xBet” onlayn qimor oʻyinlariga, qolgan qismini elektron hamyonlarga oʻtkazib oʻzlashtirgan.
M.S.ga nisbatan Oʻzbekiston Respublikasi Jinoyat kodeksining 169-moddasi bilan jinoyat ishi qoʻzgʻatilib, tergov harakatlari olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
