Bu haqda Khaama press xabar bermoqda.

Manbaning xabariga ko‘ra, fojia kecha mamlakat shimolidagi Bag‘lon viloyati Nahrin tuman markazida sodir bo‘lgan. Aytilishicha, qurollanganlar “Sayyid Podshoh og‘a” masjidiga hujum qilib, namoz o‘qiyotgan musulmonlarni o‘qqa tutishgan.

“Bag‘lon viloyatining Nahrin tumanida noma’lum qurolli shaxslar tomonidan uyushtirilgan otishmada 12 kishi halok bo‘ldi”, – deyiladi nashrda.

Bag‘lon viloyati politsiya boshqarmasi boshlig‘i Abdul Qayur G‘odimning so‘zlariga ko‘ra, xavfsizlik xodimlari voqea yuzasidan bir nechta gumonlanuvchini hibsga olgan va jinoyat ishi yuzasidan tergov boshlangan.

Hozircha hech qaysi guruh ushbu voqea bo‘yicha javobgarlikni o‘z zimmasiga olmagan.

• Afg‘oniston