“Nirvana” guruhi solisti, afsonaviy musiqachi Kurt Kobeynning gitarasi “Julienʼs” kimoshdi savdo uyi tomonidan $4,5 million AQSh dollariga sotildi. Ijodkor tegishli boʻlgan ushbu gitarani 1991-yili suratga olingan “Smells Like Teen Spirit” klipida koʻrish mumkin.
Gitarani amerikalik milliarder Jim Irsey sotib olgan. Maʼlumot uchun, Jim Irsey “Indianapolis Colts” futbol klubi sohibi hisoblanadi.
1969-yilda ishlab chiqarilgan “Fender Mustang” gitarasi ijodkorning oʻlimidan keyin uning oila aʼzolarida saqlangan, keyin esa muzeyga topshirilgan. Auksion boshlanishidan oldin gitaraning 600-800 ming AQSh dollari evaziga sotilishi taxmin qilingan edi. Maʼlumotlarga koʻra, savdodan tushgan pul ruhiy kasalliklardan aziyat chekuvchi bemorlarga yordam koʻrsatish bilan shugʻullanuvchi tashkilot hisobiga oʻtkaziladi.
Bu Kurt Kobeynning sevimli gitaralaridan biri boʻlgan. “Men chapaqayman, chapaqaylar uchun moʻljallangan oliy sifatli gitarani hamyonbop narxda topish juda qiyin. “Fender Mustang“ni dunyodagi barcha gitaralardan ham koʻproq yaxshi koʻraman. Menda bunday gitaralardan faqat ikkita boʻlgan”, degan edi u. Ijodkor “Nevermind “ va “In Utero” albomlarini tayyorlashda aynan mana shu gitaradan foydalangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!