“Million” jamoasining konsert dasturida chiqish qilgan va sahnada arabcha raqsni ijro etgan aktrisa Nargiz Aʼzamova aynan mana shu ishi uchun dadasini xafa qilib qoʻygani haqida gapirdi.
“Yoshligimdan raqsga qiziqqanman. Maktabda ham, kollejda ham qanday raqs boʻlmasin, hammasida qatnashar edim. Navoiyda Navroʻz bayramlarida ham raqs bilan katta sahnalarga chiqqanmiz. Yoshligimda niyatim raqqosa boʻlish edi. Yoshim katta boʻlgani sayin odamlar raqqosalarga yaxshi koʻz bilan qarashmagani tufayli niyatimdan qaytib, kollejga aktrisalik yoʻnalishiga topshirganman.
“Million”dagi raqsni qoʻllab-quvvatlaganlar ham boʻldi, lekin baribir salbiy fikrlar boʻlarkan. Masalan, hozir mening 122 mingta kuzatuvchim boʻlsa, oʻshani ana borsin 122 tasi baribir “negativ” boʻladi. Oʻzi men konsertda oʻynashim kerak boʻlmagan, raqqosalar oʻynashi rejalashtirilgan, lekin konsertga bir necha kun qolganda raqs ijro etishim kerakligini aytishgan. “Million”da chiqishimni koʻpchilik bilgandi, qoʻl-oyogʻim bogʻlangandek chiqishga majbur boʻlganman.
Izohlarda koʻpchilik “Shu qizning ham otasi, akalari bormikin?” deb yozishadi. Dadam borlar, lekin konsertda raqs tushganimni ular bilmaganlar.
Dadam koʻrdilar, xafa boʻldilar, bir muddat davomida gaplashmay qoʻydilar. Menimcha, mendan bu narsani kutmaganlar. Keyinchalik tushuntirdilar, “Boshqa bu narsa takrorlanmasin, seni boshqa bunday rollarda koʻrmay” dedilar”, deydi aktrisa.
Yosh ijodkor mana shu raqs bilan tanilgani, bundan nolimasligini taʼkidlab oʻtgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!